ഉള്ളടക്കം
- സാമൂഹ്യനീതിവകുപ്പ്
- കേരള സംസ്ഥാനസാമൂഹ്യക്ഷേമബോര്ഡ്
- സാമൂഹ്യസുരക്ഷാമിഷന്
- സംസ്ഥാനവനിതാവികസനകോര്പ്പറേഷന്
- സംസ്ഥാനവനിതാകമ്മീഷന്
- സംസ്ഥാനവികലാംഗക്ഷേമകോര്പ്പറേഷന്
- നാഷണല് ഇന്സ്റ്റ്യൂട്ട് ഓഫ് സ്പീച്ച് & ഹിയറിംഗ്
- കൃഷി വകുപ്പ്
- വ്യവസായവകുപ്പ്
- തൊഴില്വകുപ്പ്
- ഗ്രാമവികസനവകുപ്പ്
- ലാന്റ്റവന്യൂ
- പട്ടികജാതി വികസന വകുപ്പ്
- പട്ടികവര്ഗ്ഗവികസന വകുപ്പ്
- ഉന്നത വിദ്യാഭ്യാസം
- സാങ്കേതികവിദ്യാഭ്യാസം
- സൈനികക്ഷേമം
- ഇന്ഫര്മേഷന് & പബ്ളിസിറ്റി
- കേരളത്തിലെ ക്ഷേമനിധിബോര്ഡുകള്
കേരളസംസ്ഥാന വനിതാ വികസന കോര്പ്പറേഷന്
Category: കേരളസംസ്ഥാനവനിതാവികസനകോര്പ്പറേഷന്
1998ല് കമ്പനീസ് ആക്ട് പ്രകാരം രജിസ്റ്റര് ചെയ്തു പ്രവര്ത്തനമാരംഭിച്ച പൊതുമേഖലാസ്ഥാപനമാണ് കേരളസംസ്ഥാന വനിതാ വികസന കോര്പ്പറേഷന്.വനിതകള്ക്കായി ഒട്ടേറെ ക്ഷേമപദ്ധതികള് കോര്പ്പറേഷന് നടപ്പിലാക്കിവരുന്നു.
-
1 വായ്പാ പദ്ധതികള്
പതിനെട്ടു വയസ്സിനും 55 വയസ്സിനും മദ്ധ്യേ പ്രായമുള്ള വനിതകള്ക്ക് അപേക്ഷിക്കാവുന്ന വായ്പാ പദ്ധതിയില് വളരെ കുറഞ്ഞ നിരക്കിലുള്ള പലിശ ( പ്രതിവര്ഷം 3 % മുതല് 6% ) യെ ഈടാക്കുന്നുള്ളൂ. പ്രതിവര്ഷ കുടുംബ വരുമാന പരിധി നഗര പ്രദേശത്ത് 55,000/ രൂപയായും ഗ്രാമപ്രദേശങ്ങളില് 40,000/ രൂപയായും നിജപ്പെടുത്തിയിരിക്കുന്നു. വ്യക്തമായ ഈട്/ജാമ്യ വ്യവസ്ഥയില് വായ്പ ലഭിക്കുന്നതാണ്.
എ) സ്വയം തൊഴില് വായ്പാ പദ്ധതി
(i) ന്യൂനപക്ഷ വിഭാഗങ്ങള്ക്കുള്ള വായ്പാ പദ്ധതികള്"]
ദേശീയന്യൂനപക്ഷ വികസന ധനകാര്യ കോര്പ്പറേഷന് (എന്.എം.ഡി.എഫ്.സി) പദ്ധതികള് പ്രകാരം ഉല്പാദന ക്ഷമമായ ഏതുപദ്ധതിയും ന്യൂനപക്ഷവിഭാഗത്തില്പ്പെട്ട വനിതകള്ക്ക് വായ്പ ലഭ്യമാക്കാവുന്നതാണ്. പരമാവധി 5 ലക്ഷം രൂപവരെ വായ്പ ലഭിക്കുന്നതാണ്. എന്നാല് ഒരു ലക്ഷത്തിനു മുകളില് വായ്പ ലഭിക്കുന്നതിന് കേന്ദ്ര ഏജന്സിയുടെ അംഗീകാരം നേടേണ്ടതായുണ്ട്. -
II. കേരള വനിതാ വികസന കോര്പ്പറേഷന്റെ ഫ്ളാഗ്ഷിപ്പ് പ്രോഗ്രാമുകള്
തൊഴില് നേടാന് ആവശ്വമായ നൈപുണ്യ അഭാവമുള്ള വിദ്യാസമ്പന്നരായ വനിതകളെ സഹായിക്കുന്നതിനായി ആശയവിനിമയം, വ്യക്തിത്വ വികസനം, സാങ്കേതിക തൊഴില് നൈപുണ്യം മുതലായവയ്ക്കായി പല പരിശീലന പരിപാടികളും താഴെ സൂചിപ്പിക്കുന്ന മേഖലകളില് നല്കി കൊണ്ടിരിക്കുന്നു.
i) ബാംബു മേക്കിംഗ്
ii) ഹാന്ഡ്ലൂം വീവിംഗ് ആന്റ് ഡിസൈനര്
iii) ലൈറ്റ് ആന്റ് ഹെവി വെഹിക്കിള് ഡ്രൈവിംഗ്
iv) ഗോള്ഡ്ക്രാഫ്റ്റിംഗ് ആന്റ് ജ്വല്ലറി ഡിസൈനിംഗ്
v) ഹോട്ടല്മാനേജ്മെന്റ്, റെസ്റ്റോറന്റ് ആന്റ് കൗണ്ടര്സര്വീസ്
vi) ട്രെയിനിംഗ് ഇന് ഇലക്ട്രോണിക് ഗുഡ്സ് ആന്റ് മൊബൈല് ഫോണ് റിപ്പയറിംഗ്
vii) മള്ട്ടിപ്പിള് സ്കില് അപ്ഗ്രഡേഷന് പ്രോഗ്രാം
viii) പെഴ്സണാലിറ്റി ഡെവലപ്മെന്റ് പ്രോഗ്രാം
ix) വനിതാ ഐ. റ്റി. ഐ കളില് ഫിനിഷിംഗ് സ്കൂള്
x) കരിയര് ഗൈഡന്സ് പ്രോഗ്രാം
xi) അപ്പാരല് ട്രെയിനിംഗ് ആന്റ് ഡിസൈനിംഗ് സെന്റര്
xii) പ്രൊഫഷണല് ഗ്രൂമിംഗ് അക്കാഡമികള്
എന്. ഐ. റ്റി മുഖാന്തിരം 100% തൊഴില് ഉറപ്പു നല്കുന്ന പലിശ രഹിത വായ്പ പദ്ധതി പ്രകാരം ബാങ്കിംഗ് കോഴ്സുകളില് ചേരുവാന് താല്പര്യമുള്ള കുട്ടികള്ക്കായി പലിശരഹിത വായ്പാ പദ്ധതി നടപ്പിലാക്കി വരുന്നു. പരിശീലനം വിജയകരമായി പൂര്ത്തിയാക്കുന്ന വിദ്യാര്ത്ഥികള്ക്ക് ജോലി ഉറപ്പു നല്കുന്നു. ഇതിലൂടെ പരിശീലനം നല്കുന്ന പരിപാടികള് ചുവടെ സൂചിപ്പിക്കുന്നു.
(a) പത്താംക്ളാസ്സ് യോഗ്യതയുള്ളവര്ക്ക് 3 മാസ കാലാവധിയുള്ള ടസര്ട്ടിഫിക്കറ്റ് പ്രോഗ്രാം ഇന് സ്റ്റോര് സര്വീസസ്
(b) പന്ത്രണ്ടാം ക്ളാസ്സുകാര്ക്ക് 3 മാസ കാലാവധിയുള്ള സര്ട്ടിഫിക്കറ്റ് പ്രോഗ്രാം ഇന് ബി. പി. ഒ.
(c) പത്താം ക്ളാസ്സ് യോഗ്യതയുള്ളവര്ക്ക് 3 മാസ കാലാവധിയുള്ള ടസര്ട്ടിഫിക്കറ്റ് പ്രോഗ്രാം
-
III ജെന്ഡര് അവയര്നെസ് ഫ്ളാഗ്ഷിപ്പ് പദ്ധതികള്
i) വീഡിയോ പ്രോഗ്രാം ഫോര് അഡോളസന്റ് ഗേള്സ്
ചൈല്ഡ് ഡെവലപ്മെന്റ് സെന്ററിന്റെ നേത്യത്വത്തില് പ്രഗല്ഭരുടെ കമ്മിറ്റി രൂപീകരിച്ച് സംസ്ഥാന ഫിലിം ഡെവലപ്മെന്റ് കോര്പ്പറേഷനുമായി ചേര്ന്ന് കൗമാര പ്രായക്കാരായ പെണ്കുട്ടികള്ക്കുവേണ്ടി ഒരു ഡോക്യൂമെന്ററി നിര്മ്മിച്ച് സംസഥാനത്തെ എല്ലാ ജില്ലകളിലുമായി 28 സ്കൂളുകളില് പ്രദര്ശിപ്പിച്ചു. കൗമാരപ്രശ്നങ്ങളുമായി ബന്ധപ്പെട്ട ഒരു ബോധവത്കരണത്തിന്റെ ഭാഗമായി നിര്മ്മിച്ച ഈ ഡോക്യൂമെന്ററിയുടെ സി. ഡി സംസ്ഥാനത്തുടനീളമുള്ള പെണ്കുട്ടികള്ക്ക് എത്തിക്കുവാന് കോര്പ്പറേഷന് നടപടി സ്വീകരിച്ചു കഴിഞ്ഞു.
ii) ജെണ്ടര് അവയര്നെസ് പരിശീലനവും സെമിനാറുകളും
ലിംഗ അവബോധം ലക്ഷ്യമാക്കി സംസ്ഥാനത്തെ നാല്പതു വനിതാ കോളേജുകളില് കേരളവനിതാ വികസന കോര്പ്പറേഷന് ഡോക്യൂമെന്ററി പ്രദര്ശനമടക്കമുള്ള അവബോധ പദ്ധതികള് നടപ്പിലാക്കുന്നു. വനിതകള്ക്ക് വിവിധ തരത്തിലുള്ള ജെന്ഡര് ബോധവല്ക്കരണപരിപാടികളും ജെന്ഡര് ബോധവല്ക്കരണസെമിനാറുകളും നടത്തിവരുന്നു. സമൂഹത്തില് ലിംഗഭേദ ബോധവല്കരണം നടത്തുന്നതിനായി 100 വിദ്യാര്ത്ഥിനികളുടെ സംഘത്തെ തിരഞ്ഞെടുത്ത് വിദഗ്ധ പരിശീലനം നല്കുന്നു. ഇപ്രകാരം തെരഞ്ഞെടുത്ത വിദ്യാര്ത്ഥികളെ ഭാവിയില് വനിത വികസന കോര്പ്പറേഷന്റെ ബോധവല്കരണപരിപാടിയില് പ്രയോജനപ്പെടുത്തുന്നതുമായിരിക്കും. ടീനേജ് പെണ്കുട്ടികളുടെ പ്രധാനപ്പെട്ട പ്രശ്നങ്ങളായ ലൈംഗികചൂഷണം, സൈബര്കുറ്റക്യത്യങ്ങള്, മാനസികസംഘര്ഷം, അപകര്ഷതാബോധം, വിവാഹപൂര്വ ബോധവല്കരണം ലിംഗഭേദ പ്രശ്നങ്ങള് എന്നിവയിലേയ്ക്ക് ഒരു കൈതാങ്ങ് കൊടുക്കുക എന്ന ഉദ്ദേശങ്ങളോടെ വീഡിയോ പ്രദര്ശനങ്ങളും ചര്ച്ചകളും സംഘടിപ്പിക്കുന്നു. ഉണര്ത്തുപാട്ട് എന്ന പേരിലുള്ള ഡോക്കുമെന്ററി നാല്പതു വനിതാ കോളേജുകളില് അവതരിപ്പിച്ച് പതിനായിരം വിദ്യാര്ത്ഥിനികള്ക്ക് പ്രയോജനം ലഭിച്ചു
iii) പെണ്കുട്ടികള്ക്ക് ആയോധനകലയില് പരിശീലനം
സംസ്ഥനത്ത് പെണ്കുട്ടികള്ക്ക് നേര്ക്കുള്ള അതിക്രമങ്ങള് ദിനംപ്രതി വര്ദ്ധിച്ചു വരുന്ന പശ്ചാത്തലത്തില് ഇത്തരം സാഹചര്യങ്ങളെ നേരിടുന്നതിന് പെണ്കുട്ടികളെ മാനസികമായും ശാരീരികമായും പ്രാപ്തരാക്കേണ്ടുന്നതിനായി തുടക്കമെന്നനിലയില് 800 പെണ്കുട്ടികള്ക്ക് സ്വയം രക്ഷയ്ക്കായി പ്രതിരോധത്തിലൂന്നിയ ആയോധനകലയില് പരിശീലനം നല്കിവരുന്നു. അടുത്തഘട്ടങ്ങളിലായി സംസ്ഥാനത്തുടനീളം ഇത് വ്യാപിപ്പിക്കുവാനും ലക്ഷ്യമിടുന്നു.
iv) കേരളത്തിലെ ആര്ട്സ് & സയന്സ് കോളേജുകളിലെ വിദ്യാര്ത്ഥിനികള്ക്കും അദ്ധ്യാപികമാര്ക്കുമുള്ള
ഐ. സി. റ്റി ബോധവത്ക്കരണ പരിശീലനം
വനിതാശാക്തീകരണത്തിന്റെ ഭാഗമായി ഇന്ഫര്മേഷന് കമ്മ്യൂണിക്കേഷന് & ടെക്നോളജി (ഐ.സി.റ്റി) ബോധവത്കരണം നല്കുന്നതിനായി കാസര്കോഡ്, വയനാട്, മലപ്പുറം എന്നിവിടങ്ങളില് വിദ്യാര്ത്ഥിനി കള്ക്കും അദ്ധ്യാപികമാര്ക്കും പരിശീലനം നല്കിവരുന്നു.
v) ഷീ ടോയ്ലറ്റ്
കോര്പ്പറേഷന് തിരുവനന്തപുരം ജില്ലയില് ഇടോയ്ലറ്റുകള് സ്ഥാപിച്ചു കഴിഞ്ഞു.ബഡ്ജറ്റ് പ്രസംഗത്തില് വിഭാവനം ചെയ്തതിന് പ്രകാരം വനിതകള്ക്കുമാത്രമായി 200 ഇടോയ്ലറ്റ് ആദ്യഘട്ടമെന്നനിലയില് സ്ഥാപിക്കുന്നതാണ്. പൊതുശുചീകരണ മേഖലയില് വനിതകള് അനുഭവിക്കുന്ന പ്രശ്നങ്ങള്ക്കു പരിഹാരം കണ്ടെത്തുന്നതിനായി കേരള സംസ്ഥാന വനിതാവികസന കോര്പ്പറേഷന് ആദ്യമായി ഷീടോയ്ലറ്റ് കേരളത്തില് പരിചയപ്പെടുത്തുന്നു. നാപ്കിന് വെന്റിംഗ് മെഷീന്, ഇന്സിനറേറ്റര് തുടങ്ങിയവ സ്ഥാപിച്ച് വനിതകള്ക്ക് അനായാസം ഉപയോഗിക്കുവാന് കഴിയുന്ന തരത്തിലുള്ള വനിതാ സൗഹൃദ ഇലക്ട്രോണിക് ടോയ്ലറ്റുകളാണ് ഷീടോയ്ലറ്റ്. താമസിയാതെ തിരുവനന്തപുരത്തു തുടങ്ങി വച്ച ഈ സംരംഭം സംസ്ഥാനത്തുടനീളം വനിതകള്ക്ക് പ്രത്യേകിച്ച് യാത്രാവേളകളില് പ്രയോജനപ്പെടും പ്രകാരം സ്ഥാപിക്കുന്നതാണ്.