ബി.പി.എല് വിഭാഗത്തിലുള്ള ക്യാന്സര്, ഹൃദയം, വൃക്കരോഗങ്ങള് ബാധിച്ചവര് ഈ പദ്ധതിയുടെ ഗുണഭോക്താക്കളായിരിക്കും. ചിയാക്കിനാണ് ഇതിന്റെ നടത്തിപ്പ് ചുമതല. അപേക്ഷകള് ബന്ധപ്പെട്ട അക്ഷയ സെന്റെര് വഴി സ്വീകരിക്കുന്നു.
നിലവില് പെന്ഷന് 400/ രൂപയാണ്. വിദ്യാഭ്യാസ സ്കോളര്ഷിപ്പ് മരംകയറ്റ തൊഴിലാളികളുടെ കുട്ടികള്ക്ക് ആം ആദ്മി ബീമാ യോജന പ്രകാരമോ, മറ്റ് സമാന പദ്ധതി പ്രകാരമോ വിദ്യാഭ്യാസ ആനുകൂല്യം ലഭ്യമായില്ലെങ്കില് എട്ടാം ക്ലാസ് മുതല് പന്ത്രണ്ടാം ക്ലാസ് വരെയുള്ള കുട്ടികള്ക്ക് പ്രതിമാസം 100/ രൂപ നിരക്കിലും കോളേജ് വിദ്യാര്ത്ഥികള്ക്ക് പ്രതിമാസം 200/ രൂപ നിരക്കിലും സ്കോളര്ഷിപ്പിന് അര്ഹതയുണ്ടായിരിക്കും. പദ്ധതി പ്രകാരമുള്ള ആനുകൂല്യം ലഭിക്കുന്നതിന് അപേക്ഷ ബന്ധപ്പെട്ട ജില്ലാ ലേബര് ഓഫീസര്ക്ക് നല്കേണ്ടതാണ്.
ഓരോ ക്ഷേമനിധി ബോര്ഡിലും/ പദ്ധതിയിലും അംഗമായിട്ടുള്ള തൊഴിലാളി പ്രസവാവധിയില് പ്രവേശിക്കുന്ന തീയതി മുതല് പദ്ധതി പ്രകാരമുള്ള ആനുകൂല്യത്തിന് അര്ഹതയുണ്ടായിരിക്കും. പ്രസവാനുകൂല്യം ലഭ്യമാക്കുന്നതിന് സമര്പ്പിക്കുന്ന അപേക്ഷയുടെ അടിസ്ഥാനത്തില് ബോര്ഡിന്റെ പദ്ധതിയിലെ വ്യവസ്ഥ പ്രകാരമുള്ള ആനുകൂല്യങ്ങള് നല്കുന്നതിനോടൊപ്പം പ്രസവാവധി ആരംഭിച്ച തീയതി മുതല് മൂന്ന് മാസക്കാലയളവിലേക്ക് നിയമപ്രകാരം ടി തൊഴിലാളിക്ക് ലഭ്യമാകാന് അര്ഹതയുള്ള മിനിമം വേതനം തൊഴിലാളിക്ക് ലഭ്യമാക്കുന്നതിന് പ്രസവാനുകൂല്യമായി തൊഴിലാളിക്ക് ലഭ്യമാകുന്ന തുകയും മൂന്ന് മാസത്തെ അര്ഹതപ്പെട്ട മിനിമം വേതനവും തമ്മിലുള്ള വ്യത്യാസം കണക്കാക്കി ടി തുക ബന്ധപ്പെട്ട ക്ഷേമനിധി ബോര്ഡ്/ പദ്ധതി തുക തൊഴിലാളിയുടെ ബാങ്ക് അക്കൗണ്ട് മുഖേന തൊഴിലാളിക്ക് നല്കുന്നു. ഇപ്രകാരം അധികമായി തൊഴിലാളിക്ക് നല്കുന്ന തുക സംബന്ധിച്ച വിവരങ്ങള്, തൊഴിലാളി തുക കൈപ്പറ്റിയ രസീതിന്റെ സാക്ഷ്യപ്പെടുത്തിയ പകര്പ്പ് സഹിതം ലേബര് കമ്മീഷണര്ക്ക് മേല്വിവരങ്ങള് ബോദ്ധ്യപ്പെടുന്ന പക്ഷം അധികമായി നല്കിയ തുക ബോര്ഡിന്/ പദ്ധതിക്ക് ലേബര് കമ്മീഷണര് പ്രതിപൂരണം ചെയ്ത് നല്കുന്നതാണ്.
പ്രതിവര്ഷം ഏകദേശം 1000/ രൂപ നിരക്കില് സാമ്പത്തിക പിന്തുണ സഹായമായി നല്കുകയാണ് പദ്ധതി കൊണ്ട് ഉദ്ദേശിച്ചിട്ടുള്ളത്. തൊഴില് വകുപ്പ് മുഖേന നടപ്പിലാക്കുന്ന ഈ പദ്ധതി കയര്, കൈത്തറി, ഫിഷറീസ്, വ്യവസായ വാണിജ്യ വകുപ്പ്, ഖാദി തുടങ്ങിയ വകുപ്പുകളിലൂടെയും, ഈറ്റ കാട്ടുവള്ളി, ബീഡി സിഗാര്, കൈത്തറി എന്നീ ബോര്ഡുകളിലൂടെയും പദ്ധതി തുക ബന്ധപ്പെട്ട തൊഴിലാളികള്ക്ക് നല്കുന്നു.